Rannsóknarsvið mín eru: formleg og óformleg menntun (e. extended education), menntastefna, samstarf í skóla- og frístundastarfi, frístundaheimili og æskulýðsrannsóknir. Ég hef birt fjölda fræðigreina og bókarkafla um þau viðfangsefni, ásamt því að vera stjórnvöldum og sveitarfélögum til ráðgjafar um menntamál.

RANNSÓKNARVERKEFNI

Núverandi verkefni

Innleiðing farsældarlaga í þremur sveitarfélögum á Íslandi. Ábyrgðarmaður rannsóknar. Í rannsóknarteyminu eru m.a. Oddný Sturludóttir, doktorsnemi, Guðrún Ragnarsdóttir, prófessor, og Ragný Þóra Guðjohnsen, dósent. Tveggja ára styrkur frá Rannís (desember 2024-2026)

Tilgangur og merking í lífi ungs fólks. Hluti af Íslensku æskulýðsrannsókninni.

Fyrri verkefni

Innleiðing gæðaramma á frístundaheimilum, með Steingerði Kristjánsdóttur, aðjúnkt. Styrkt af Rannsóknasjóði Háskóla Íslands.

Leikur og óformlegt nám í leikskóla, grunnskóla og frístundamiðstöð (2018-2022). Styrkt af Rannsóknasjóði Háskóla Íslands.

Samþætting skóla- og frístundanáms fyrir ung skólabörn (2013-2017). Styrkt af Rannsóknasjóði Háskóla Íslands.

Staða frístundaheimila 6-9 ára barna í Reykjavík (2009-2012). PhD. styrkur styrktur af Eimskipasjóði.

ALÞJÓÐLEGT SAMSTARF

• Meðritstjóri, International Journal for Research on Extended Education. Budrich Journals, síðan 2023.
• Stofnmeðlimur Global Extended Learning and Youth Development Association árið 2024, https://www.gelyda.org/
• Meðlimur í World Education Research Association IRN- Extended Education frá 2017, nú WERA Task Force on Extended Education.
• Stofnaðili að samstarfsneti NERA (Nordic Education Research Association) um námsumhverfi frístundastarfs, sjá vefsíðu samstarfsnetsins https://neranetwork17.wordpress.com/members/.
• Stofnmeðlimur í vel heppnuðu Nordplus verkefni sem kallaðist „Fritidshem/SFO sem viðbót við skólann“ ásamt samstarfsfólki frá University College Sjælland í Danmörku, Mitt University í Svíþjóð, Mykolas Romeris University í Litháen og Háskóla Íslands.