Rannsóknir

Rannsóknir mínar beinast að því að skilja hvernig ólík náms- og uppeldisumhverfi styðja við menntun, farsæld og þátttöku barna og ungmenna. Ég hef sérstakan áhuga að greina hvernig samstarf ólíkra aðila innan og utan skóla getur stuðlað að aukinni velferð, félagslegri þátttöku og árangri allra barna.

Helstu rannsóknarsvið mín eru:

› Þverfaglegt samstarf í skóla-, frístunda- og velferðarstarfi
› Frístundastarf, heildstæð menntun og fagmennska
› Líðan, farsæld og þátttaka barna og ungmenna
› Stefnumótun, menntastefna og þróun menntakerfa
› Nýsköpun og þróunarstarf á sviði menntunar

Leiðsögn og handleiðsla

Ég tek að mér leiðsögn meistara- og doktorsnema á sviðum sem tengjast rannsóknaráherslum mínum og styð nemendur við mótun rannsóknarspurninga, rannsóknarhönnun, fræðilega greiningu og vísindaskrif. Jafnframt veiti ég ráðgjöf við gerð rannsóknaráætlana og rannsóknarsjóðsumsókna, auk þess að taka þátt í mati og rýni rannsóknaverkefna innanlands og á alþjóðavettvangi.

Ráðgjöf, nýsköpun og gæðamat

Ég veiti ráðgjöf og sinni gæðamati á sviði menntunar, skólaþróunar og stefnumótunar í samstarfi við sveitarfélög, stofnanir, fagfélög, stjórnvöld og aðra hagaðila. Jafnframt styð ég við nýsköpunar- og þróunarverkefni þar sem markmiðið er að skapa nýjar lausnir, styrkja faglegt starf og stuðla að umbótum í menntun og þjónustu við börn og ungmenni.

Sérþekking mín nýtist meðal annars við:

› Stefnumótun og þróunarvinnu
› Innleiðingu breytinga og umbótaverkefna
› Nýsköpun í menntun og þjónustu við börn
› Mat á verkefnum og starfsemi
› Rannsóknastudda ákvarðanatöku
› Uppbyggingu samstarfs milli skóla, frístundastarfs og velferðarþjónustu