Ég er fædd árið 1971 í Belgíu þar sem foreldrar mínir bjuggu um árabil og stunduðu nám. Við fluttum heim þegar ég var nokkurra mánaða og ég ólst upp í Hlíðunum í Reykjavík, ásamt tveimur bræðrum mínum. Ég var í Hlíðaskóla og lauk stúdentsprófi frá Menntaskólanum í Hamrahlíð árið 1991.

Ég varð ung móðir og átti tvær dætur þegar ég hóf háskólanám árið 1992. Síðar eignuðumst ég og maðurinn minn, Róbert H. Haraldsson, þrjú börn saman. Róbert er prófessor í heimspeki við Háskóla Íslands og fyrrum kennslustjóri skólans. Við eigum því alls fimm börn og nýlega bættist fyrsta barnabarnið við fjölskylduna.

Við höfum búið bæði í Reykjavík og í Garðabæ, og einnig dvalið um hríð í Danmörku og Bandaríkjunum. Við fluttum fyrir fjórum árum á Kársnesið í Kópavogi og bíðum því spennt eftir Fossvogsbrúnni, sem stytta mun leiðina í Háskóla Íslands!

Mottó mitt er Carpe diem (Gríptu daginn) og ég á ýmis áhugamál, s.s. útivist, hreyfingu, sund, söng, ferðalög, listir og menning í víðasta skilningi.